बार्बेक्यू चिकन

साहित्य -

सादिया ड्रमस्टिक साधारण १.५ किलो 

मेहरान तंदुरी मसाला १ पाकीट

१/२ वाटी तेल 

१ छोटे पाकीट लबने (१००-१५० ग्रॅम)

कडीपत्ता २-४ पाने

कोथिंबीर १-२ चमचे

कृती -

रुम तापमानावर आल्यावर ड्रमस्टिक स्कीन काढून व स्वच्छ धुऊन, त्यावर हलकेच काप करून थोडा वेळ बाजूला ठेवून द्या. साधारण १० मिनिटांनंतर त्यातील पाणी निघून गेल्यावर २ चमचे लिंबाच्या रसात १ चमचा हळद घालून तो सर्व ड्रमस्टिकला लावा. परत १० मिनिटे बाजूला ठेवा. 

एका भांड्यात १ पाकीट मेहरान तंदुरी मसाला, १/२ वाटी तेल, १ छोटे पाकीट लबने (१००-१५० ग्रॅम), कडीपत्ता २-४ पाने (बारीक चिरलेले), कोथिंबीर १-२ चमचे (बारीक चिरलेले) याचे एकजीव मिश्रण करून ते ड्रमस्टिक ना व्यवस्थित लावा व नंतर फ्रीज मध्ये सेट होण्यासाठी कमीत कमी ६० मिनिटे ठेवा.

Barbecue ग्रील वर प्रत्येक ड्रमस्टिक हलकेच ठेवा व करपू न देता शिजवा. साधारण ६ मिनिटात ड्रमस्टिक तयार होते. गोल चिरलेला कांदा, टोमॅटो बरोबर खा.

कुठे कराल?

Outdoor Barbaque

भूपेश हजरनीस