गुणाचे गान
स्वरुपाचे ज्ञान
ओमकाराची तान
गणपती गुणगान
तुझ्या मुखी एकदंत
भालचंद्र विशाल
नेत्री जागती अपार
ज्योती कोटी रात्रंदिन
भावाचा तू भुकेला
दीनांचा तू तारक
सर्वांना बघसी एक
देसी समसमान दान
तुझ्या पायी नतमस्तक मी
झालो तुझा मी रे दास
सगुण निर्गुण दयाळा तू
तारीसी सदा भक्तास
तुझे रुप, तुझी शक्ती
भक्ती करीतो रात्रंदिन
देवांचाही देव तू सकळ
त्राही माम् भगवान
भावना कुलकर्णी
कोणत्याही टिप्पण्या नाहीत:
टिप्पणी पोस्ट करा