अंड्याचे बफ्फेट

साहित्य:

४ चमचे तेल
५-६ अंडी
२ कांदे
१ टोमॅटो
१ छोटा चमचा हळद
१ छोटा चमचा तिखट
मीठ चवीप्रमाणे
थोडी कोथिंबीर

कृती:

१. मंद गॅसवर एका पसरट भांड्यामध्ये तेल टाका.
२. त्यात बारीक चिरलेला कांदा हळद, तिखट आणि थोडं मीठ घालून चांगला परतवा.
३. कांदा मग भांड्यात सारखा पसरवून त्यावर टोमॅटोच्या गोल चकत्या कापून अशा रितीने लावा की कांदा झाकला जाईल

४. एक एक अंड पसरट वाटीमध्ये फोडून हळूच भांड्यात सोडा. अंडी सोडताना काळजी घ्या की अंड्याचा बलक फुटणार नाही.
५. सगळी अंडी भांड्यात अशा रितीने सोडा की टोमॅटोच्या चकत्या झाकल्या जातील.

६.. अंडी भांड्यात सोडून झाली की वरून थोडं मीठ आणि मिरी भुरभुरा.
७. भांड्यावर झाकण ठेवून वाफ काढा.
८. अंडी शिजली की वरून बारीक चिरलेली कोथिंबीर घालून गार्निश करा.

९. अंड्याची भुर्जी खाऊन कंटाळा आला असेल तर ही अंड्याची फार सोपी, दिसायला छान आणि खायला लज्जतदार अशी वेगळी डिश आहे.

टीप- सर्व कृती करताना ग्यास मंदच असु दे अशाने कांदा जळणार नाही.

मुग्धा सरनाईक